اسلام آباد ( مانیٹرنگ ڈیسک) متنازعہ خبر کے معاملے پر بنائی جانے والی کمیٹی نے تحقیقات کا آغاز کر دیا ہے، کمیٹی 30 روز میں سفارشات مرتب کر کے وزیر داخلہ چوہدری نثار علی خان کو اپنی رپورٹ پیش کرے گی۔
تفصیلات کے مطابق متنازعہ خبر کے حوالے سے بنائی گئی کمیٹی کا پہلا اجلاس جمعرات کو جسٹس ریٹائرڈ عامر رضا خان کی سربراہی میں ہوا جس میں تحقیقات کے حوالے سے جائزہ لیا گیا، بعدازاں وفاقی وزیر داخلہ چوہدری نثار علی خان نے کمیٹی کو بریفنگ بھی دی۔ رپورٹ کے مطابق وزیر داخلہ نے بریفنگ کمیٹی کی درخواست پر دیتے ہوئے کمیٹی کے ارکان کو اب تک کی پیش رفت سے آگاہ کیا۔ ذرائع کے مطابق وزیر داخلہ کی بریفنگ ایک گھنٹہ تک جاری رہی جبکہ نجی ٹی وی چینل کے مطابق متنازعہ خبر کے حوالے سے بنائی گئی کمیٹی حکومتی شخصیات، سرکاری افسران کے بیان قلمبند کرنے کے بعد اپنی سفارشات مرتب کرکے 30 روز کے اندر وزیر داخلہ کو رپورٹ پیش کرے گی۔
0 comments:
Post a Comment