دارالحکومت میں دہشت گردوں کی انٹری، قانون نافذ کرنے والے ادارے متحرک ہوگئ

لاہور( مانیٹرنگ ڈیسک) محکمہ داخلہ پنجاب کا کہنا ہے کہ پنجاب میں دو دہشتگرد داخل ہوئے ہیں جو بڑے پیمانے پر تباہی کا منصوبہ رکھتے ہیں۔تفصیلات کے مطابق ذرائع نے بتایا ہے کہ کہ محکمہ داخلہ پنجاب نے ہائی الرٹ جاری کیا ہے جس میں کہا گیا ہے کہ دہشت گرد سرکاری محکموں، حساس اداروں کی عمارتوں، تعلیمی اداروں سمیت ائر پورٹس کو نشانہ بنا سکتے ہیں۔ جاری مراسلے میں کہا گیا ہے کہ سمیع خان اور نسیم شاہ نامی دو مبینہ دہشتگرد پنجاب میں بڑے پیمانے پر تباہی مچانے کی منصوبہ بندی کر رہے ہیں، اور انکا ٹارگٹ لاہور سمیت پنجاب کے بڑے شہر ہیں. قانون نافذ کرنے والے اداروں کو دہشتگردوں کے خلاف سرچ اور کومبنگ آپریشن تیز کرنے کی ہدایت کی گئی ہے جبکہ تمام سرکاری عمارتوں کی سکیورٹی بڑھانے کی ہدایت بھی کی گئی ہے ۔ دوسری جانب محکمہ داخلہ پنجاب کی جانب سے سول ایوی ایشن (سی اے اے) کو بھی مراسلہ جاری کیا گیا ہے جس میں ملک بھر کے تمام ائر پورٹس کی سکیورٹی بڑھانے کی ہدایت کی گئی ہے۔