اسلام آباد (مانیٹرنگ ڈیسک) موٹروے پر رینجرز کی گاڑی الٹ گئی جس کے نتیجے میں 2 جوان جاں بحق اور 10 زخمی ہو گئے۔ نجی ٹی وی اے آر وائی نیوز نے موٹر وے پولیس کے حوالے سے بتایا ہے کہ یہ حادثہ ایم ون پر گاڑی کا ٹائی راڈ الٹنے کے باعث پیش آیا جس کے نتیجے میں گاڑی میں سوار 14 رینجرز اہلکاروں میں سے 2 اہلکار جاں بحق اور 10 زخمی ہوئے جنہیں سی ایم ایچ ہسپتال منتقل کر دیا گیا ہے۔ ذرائع کے مطابق 2 اہلکاروں کی حالت انتہائی تشویشناک ہے جن میں سے ایک اہلکار کی ریڑھ کی ہڈی ٹوٹ گئی ہے تاہم ان کا علاج جاری ہے۔
0 comments:
Post a Comment