خبریں کیاتھیں اورحقیقت کیانکلی، جاویدہاشمی کے”یوٹرن” نےسب کوحیران کردیا

ملتان (نیوزڈیسک) سینئر سیاستدان مخدوم جاوید ہاشمی نے کہا ہے کہ پانامہ لیکس کا معاملہ سپریم کورٹ میں ہے۔ اس ایشو پروزیراعظم سے استعفیٰ مانگنے والا میں کون ہو تا ہوں؟ سپریم کورٹ میں کیس چل رہا ہے ،جب فیصلہ آئے گا پوری قوم دیکھ لے گی،وزیراعظم کے استعفیٰ سے متعلق میرے بیان کو توڑ مروڑ کر پیش کیا گیا۔میں نےوزیراعظم سے استعفیٰ نہیں مانگا۔ ڈونلڈ ٹرمپ کی کامیابی سے امریکہ نے تنزلی کی طرف سفر شروع کر دیا ہے۔ نجی خبررساں ادارے’’ آئی این پی‘‘ سے خصوصی بات چیت کرتے ہوئے مخدوم جاوید ہاشمی نے کہا کہ وزیر اعظم پاناما لیکس پراپنا دفاع بہترطریقے سے کرسکتے ہیں، سپریم کورٹ کو فیصلہ کرنے کا اختیار ہے پوری قوم کو سپریم کورٹ پر اعتماد کرنا چاہیے۔انہوں نے کہا کہ ڈونلڈ ٹرمپ کی کامیابی سے امریکہ نے آج سے ہی تنزلی کی طرف سفر شروع کر دیا ہے ،امریکہ کی معیشت آج سے ہی گرنا شروع ہو گئی ہے، میں نے پہلے ہی کہا تھا کہ پوری دنیا میں تبدیلی آئے گی، ڈالر گرنے سے دس بیس سال نہیں، چند سالوں میں امریکہ مزید کمزور ہو جائے گا،امریکہ جو پہلے ہی مقروض تھا، مزید مقروض ہو جائے گا ۔انہوں نے مزید کہا کہ پاک چائنہ اقتصادی راہداری کا منصوبہ ملک کی بقاء کا پروگرام ہے،یہ خطے کیلئے گیم چینجرثابت ہوگا،آپریشن ضرب عضب کے ذریعے بہت ساری کامیابیاں حاصل ہوئی ہیں