پولیس کو دیکھ کر شہری گھبراکر دریا میں کودگیا اور پھر ڈوب گیا۔۔۔ یہ کون تھا اور پولیس کو دیکھ کر چھلانگ کیوں لگائی؟ تفتیش میں ایسا انکشاف سامنے آگیا کہ جان کر واقعی ہر کسی کے ہوش اُڑجائیں

ابوجہ (نیوز ڈیسک) نائیجیریا میں مجرموں کا تعاقب کرتے پولیس اہلکاروں نے گولیاں چلائیں تو ان کی آواز سن کر دریا کنارے بیٹھا ایک شخص ایسا خوفزدہ ہوا کہ پانی میں چھلانگ لگا دی اور ڈوب کر ہلاک ہو گیا۔ ویب سائٹ WWWNکی رپورٹ کے مطابق 31 سالہ غفار اجیبولا دریائے اوگن کے کنارے کپڑے دھورہا تھا کہ اسی دوران پولیس ادھر آنکلی۔ یہ پولیس اہلکار کچھ مجرموں کا تعاقب کررہے تھے اور جونہی انہوں نے فائر کھولا تو غفار گولیوں کی آواز سن کر شدید خوفزدہ ہوگیا اور دریا میں چھلانگ لگادی۔ اسے بچانے کے لئے کوشش کی گئی لیکن کامیابی نہ ہوئی اور وہ ڈوب کر ہلاک ہوگیا۔ 16,300 , وہ خاتون جس نے محبوب سے جدائی کے بعد دنیا کی تاریخ کا منفرد ترین ریکارڈ قائم کردیا، پولیس کو پکڑ کر اسے روکنا پڑا غفار کے چچا نے بتایا کہ پولیس کی فائرنگ اس کے بھتیجے کی موت کی وجہ بنی ہے کیونکہ اس نے ڈر کر دریا میں چھلانگ لگادی تھی۔ انہوں نے پولیس اہلکاروں کو اپنے بھتیجے کی موت کاذمہ دار قرار دیتے ہوئے ان کے خلاف کارروائی کا مطالبہ کیا تاہم پولیس حکام کا کہنا تھا کہ اہلکار محض اپنا فرض سرانجام دے رہے تھے ان کا مقصد کسی عام شہری کو ڈرانا نہیں تھا۔